Trøll i ord er eit samarbeid mellom Hemsedal mållag og Hemsedal bibliotek. Vi ynskjer å spreie leseglede og engasjement for litteratur til barn, med fokus på nynorsk og dialekt.
Det er gratis inngang på alle arrangementa.
Laurdag 2. oktober, kl. 11.00.
Kom og høyr forteljingar om Mari og Magnus, to syskjen som går i barnehagen og finn på mykje moro saman.
Laurdag 20. november, kl. 11.00.
Stemningsfull konsert for barnefamiliar med musikar og låtskrivar Annlaug Børsheim frå Ulvik i Hardanger.
Stemningsfull konsert for barnefamiliar med musikar og låtskrivar Annlaug Børsheim frå Ulvik i Hardanger.
Då Annlaug Børsheim las boka Eg er eg er eg er av Ruth Lillegraven for fyrste gong var det som om dikta hennar traff både den vesle jenta og den vaksne dama i henne, ofte i eitt og same dikt. Dei var fulle av liv og undring, dei var vakre og melankolske, og så musikalske og rytmiske. I 2019 gjekk ho i gang med å tonesette dei til forestillingsrekka «Alle har en liten dør bak øret» og det var så inspirerande at ho har tonesett fleire og no laga ein eigen konsert med desse dikta.
Musikken er inspirert av folkemusikk og Børsheim speler både fele og gitar på scena.